जय जोहार…. (Chhattisgarh) एक हजार अतिथि शिक्षक ल नौकरी ले हटाय जाय के स्कूल शिक्षा विभाग ह आदेश जारी कर दे हे। ए अतिथि शिक्षक के जगह अब शिक्षा विभाग ह नियमित शिक्षक मन के भर्ती करही।
बता देन कि (Chhattisgarh) साल 2017-18 म करीब 2500 अतिथि शिक्षक मन के नियुक्ति करे गे रिहिन। स्कूल शिक्षा विभाग के आदेश के मुताबिक अतिथि शिक्षक ह 31 मार्च तक ही नौकरी कर पाही। उहचे 1 अप्रैल ले नियमित शिक्षक के पदस्थापना के प्रक्रिया सुरू हो जाही।
ज्ञात हो कि (Chhattisgarh) एखर पहिले 300 अतिथि शिक्षक ल हटाय गे रिहिन। अब 1000 शिक्षक ल हटाय के आदेश स्कूल शिक्षा विभाग ह जारी करे हे। ए आदेश के बाद विद्यामितान संघ ह सरकार म धोखा देने के आरोप लगाय हे। संघ ह कहिन कि आज हमन सरकार के आदेश ले बेरोजगार हो गे हन। अगर सरकारी के इही रवैया रही त आगू उग्र आंदोलन करे जाही।
No Comment! Be the first one.