Jagdalpur city के दलपत सागर के तट म रोपे गे हे 101 पौधा
जय जोहार…. जगदलपुर शहर (Jagdalpur city) के दलपत सागर के तट म सनिच्चर के इंद्रावती बचाओ अभियान के तहत 101 पौधा रोपे गे हे।
जिला म प्रवाहित होवइया इंद्रावती नदी के तट म (Jagdalpur city) इंद्रावती बचाओ अभियान संस्था के तरफ ले पौधरोपण अभियान चलाय जावत हे।
जेखर तहत इंद्रावती नदी के दुनो तट म पौधरोपण करे जावत हे। नदी तट म पूरा सावन म हजारों पौधा लगाय के लक्ष्य रखे गे हे। एखर तहत आज जगदलपुर शहर (Jagdalpur city) के दलपत सागर तट म पीपल, बरगद, डुमर समेत आन किस्म के फलदार अउ छायादार पौधा रोपे गे हे।
ए कार्यक्रम में संसदीय सचिव रेखचंद्र जैन, क्रेडा अध्यक्ष मिथिलेश स्वर्णकार, महापौर श्रीमती सफीरा साहू, कमिश्नर अमृत खलखो, आईजी पी सुन्दरराज, कलेक्टर रजत बंसल, पुलिस अधीक्षक दीपक झा, धर्मपाल सैनी, किशोर पारख, संपत झा, गाजिया अंजुम, ज्योति गर्ग अउ रानू शुक्ला समेत सबो इंद्रावती बचाओ अभियान के सदस्य अउ जनप्रतिनिधि मन ह पौधरोपण करे हे।
