जय जोहार…. (corona) छत्तीसगढ़ म पिछिले 24 घंटा म कोरोना के 1010 नवा मरीज के पहचान होय हे। उहचे 1072 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 2 मरीज के मौत हो गे हे।
बीते 24 घंटा म जेन कोरोना (corona) के नवा मरीज मिले हे, ओमा रायपुर ले 172, दुर्ग ले 117, बिलासपुर अऊ रायगढ़ ले 80-80, राजनांदगांव ले 74, जांजगीर-चांपा ले 55, महासमुंद ले 50, कोरबा ले 43, सरगुजा ले 41, बालोद ले 39, सूरजपुर ले 38, जशपुर ले 32, धमतरी ले 28, महासमु्ंद ले 26, बलौदाबाजार ले 25 मरीज मिले हे।
बता देन कि प्रदेश म कोरोना (corona) संक्रमण के मामला ह बाढ़ के 2 लाख 86 हजार 596 पहुंच गे हे। जेमा ले 8859 एक्टिव मामला हे। उहचे 2 लाख 74 हजार 283 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3454 लोगन मन के मौत हो गे हे।
No Comment! Be the first one.