corona: सरलघा बाढ़त जावत हे कोरोना मामला, प्रदेश म बीते एक दिन म सबले जादा 1052 नवा मरीज

जय जोहार…. छत्तीसगढ़ म कोरोना (corona) संक्रमण के मामला ह सरलघा बाढ़त जावत हे। प्रदेश म गुरुवार के कोरोना के रिकार्ड 1052 नवा मामला के पहचान होय हे।

उहचे 544 लोगन मन ह कोरोना ले जंग जीत गे हे, जेखर बाद ओ मन ल अस्पताल ले छुट्‌टी दे दे गे हे। जबकि इलाज के दौरान आज 8 लोगन मन के मौत हो गे हे।
गुरुवार देर रात जेन कोरोना के नवा मरीज मिले हे,

ओमा दुर्ग ले 45, राजनांदगांव ले 41, बालोद ले 14, रायपुर ले 11, कबीरधाम ले 8, धमतरी ले 7, रायगढ़ ले 4, कोरिया ले 3, कोरबा ले 2 अउ बिलासपुर ले एक मरीज शामिल हे।

एखर पहिले देर शाम जेन कोरोना (corona) के नवा मरीज मिले हे, ओमा रायपुर ले 330, दुर्ग ले 183, दंतेवाड़ा ले 38, सुकमा ले 37, सरगुजा ले 34, रायगढ़ ले 32, जांजगीर ले 30, कोरिया ले 27, नारायणपुर अउ कांकेर ले 20-20, कोरबा अउ जशपुर ले 19-19, सूरजपुर ले 17, राजनांदगांव ले 16, बिलासपुर ले 15, कोंडागांव ले 14, बलौदाबाजार ले 9, गरियाबंद, मुंगेली अउ बीजापुर ले 8-8, धमतरी, महासमुंद अउ बस्तर ले 6-6, कबीरधाम ले 5, बेमेतरा अउ बलरामपुर ले 4-4, बालोद ले 1 मरीज शामिल हे।

बता दन कि प्रदेश म कोरोना (corona) संक्रमित मन के संख्या ह 18637 पहुंच गे हे। जेमा ले 6726 एक्टिव मामला हे। उहचे 11739 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म 172 लोगन मन के जान चले गे हे।