dhamtari जिला म मिले हे कोरोना के 106 नवा मामला, दू लोगन मन के हो गे मौत

जय जोहार…. धमतरी (dhamtari) जिला म कोरोना संक्रमण के मामला ह कम होय के नाम नई लेवत हे। ए जिला म कोरोना के 106 नवा मरीज सामने आय हे। जबकि इलाज के दौरान 2 लोगन मन के मौत हो गे हे।

(dhamtari) जिला के मख्य स्वास्थ्य अऊ चिकित्सा अधिकारी डॉ डीके तुर्रे ह बताइस कि सनिच्चर के बिहनिया जांच म कोरोना के 66 नवा मरीज के पुष्टि होय हे। जबकि एखर पहिले बीते रात के 40 अऊ संक्रमित मिले हे।

उहचे दू मरीज मन के इलाज के दौरान मौत हो गे हे। जेमा ले एक मरीज ह आईसीयू म भर्ती रिहिस। उहचे दूसर मरीज ह मधुमेह अऊ बीपी ले पीडित रिहिस। एखर कोविड अस्पताल बठेना म इलाज चलत रिहिस।

वो हा बताइस कि (dhamtari) जिला में कोरोना संक्रमण के मामला ह बाढ़ के 1497 पहुंच गे हे, जेमा ले 837 एक्टिव मामला हे। उहचे 639 मरीज मन ल बने होय के बाद डिस्चार्ज कर दे गे हे। ए वायरस ले जिला म अब तक 23 लोगन मन के मौत हो गे हे।