Lockdown: छत्तीसगढ़ के ए जिला म 22 सितम्बर ले लगाय जाही लॉकडाउन, कलेक्टर ह जारी करिन आदेश

जय जोहार…. (Lockdown) कोरोना संक्रमण के बाढ़ते मामला ल देखत हुये बलौदाबाजार जिला म 22 सितंबर से 29 सितंबर तक एक सप्ताह के संपूर्ण लॉकडाउन लगाय गे हे। ए संबंध म कलेक्टर सुनील जैन ह आदेश जारी कर दे हे। 

कलेक्टर के तरफ ले जारी आदेश म (Lockdown) पहिले ले जादा कठोर नियम ल लागू करे जाही। ए बार जिला म सब्जी, फल, अनाज समेत सबो दुकान ह बन्द रही। सिरिफ अति आवश्यक वस्तु ल छुट दे जाही। ए जिला म दूध के सप्लाई बिहनिया अऊ शाम के होही। 

(Lockdown) एखर आलावा पेट्रोल, गैस, मेडिकल अऊ चिकित्सा सुविधा ह चालू रही।  बता देन कि बलौदाबाजार जिला म कोरोना संक्रमित मन के संख्या ह 2181 हो गे हे। जेमा ले 901 एक्टिव मामला हे।

उहचे 1266 मरीज मन ह बने होय के बाद अपन घर लहुट चुके हे। ए वायरस ले जिला म अब तक 14 लोगन मन के मौत हो गे हे।