corona: प्रदेश म बीते 24 घंटा म सामने आय हे कोरोना के 1066 नवा मामला, रायपुर म घलो 310 पाजिटिव
जय जोहार…. प्रदेश म पिछिले 24 घंटा म कोरोना (corona) के 1066 नवा मामला के पहचान होय हे। उहचे 266 संक्रमित ल बने होय के बाद अस्पताल ले छुट्टी दे दे गे हे जबकि इलाज के दौरान 4 मरीज के मौत हो गे हे।
बीते 24 घंटा म कोरोना (corona) के जेन नवा मरीज मिले हे, ओमा रायपुर ले 310, दुर्ग ले 281, बिलासपुर ले 77, सरगुजा ले 60, राजनांदगांव ले 59, कोरिया ले 37, धमतरी ले 33, जांजगीर-चांपा ले 31, सूरजपुर ले 30, महासमुंद ले 22, जशपुर ले 19, बेमेतरा अऊ कोरबा ले 17-17, बलरामपुर ले 15, रायगढ़ ले 10, बालोद, बलौदाबाजार अऊ बस्तर ले 8-8, कबीरधाम ले 7, मुंगेली ले 6, कोंडागांव ले 4, कांकेर ले 3, दंतेवाड़ा ले 2, नारायणपुर अऊ गरियाबंद ले 1-1 मरीज सामिल हे।
बता देन कि प्रदेश म कोरोना (corona) संक्रमित मन के संख्या ह 3 लाख 20 हजार 783 हो गे हे। जेमा ले 6025 एक्टिव मामला हे। उहचे 3 लाख 10 हजार 838 लोगन मन ह कोरोना ले जंग जीत गे हे। जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3920 संक्रमित के मौत हो गे हे।
