corona : प्रदेस म बीते 24 घंटा म मिले हे कोरोना के 107 नवा मामला, रईपुर म घलो 11 संक्रमित

जय जोहार… (corona) प्रदेस म बीते 24 घंटा म कोरोना के 107 नवा मरीज सामने आय हे। उहें 224 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गेहे।

प्रदेस म जेन कोरोना (corona) के नवा मरीज मिले हे, ओमा दुर्ग ले 5, राजनांदगांव ले 6, बेमेतरा ले 1, कबीरधाम ले 1, रईपुर ले 11, धमतरी ले 2, बलौदाबाजार ले 1, बिलासपुर ले 13, कोरबा ले 23, जांजगीर-चांपा ले 1, मुंगेली ले 2, सरगुजा ले 2, कोरिया ले 5 , सूरजपुर ले 3, बलरामपुर ले 2, जशपुर से 13, बस्तर ले 2, कोंडागांव ले 2, सुकमा ले 2, कांकेर ले 3, बीजापुर ले 6 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 11 लाख 51 हजार 343 होगे हे, जेमा ले 888 एक्टिव मामला हे। उहें 11 लाख 36 हजार 425 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14030 मरीज के जान चले गेहे।