chhattisgarh : दसवीं अउ बारहवीं के नतीजे घोसित, पढ़व

जय जोहार । छत्तीसगढ़ (chhattisgarh) माध्यमिक शिक्षा मण्डल डहार के आयोजित हाई स्कूल सर्टिफिकेट मुख्य परीक्षा के परिणाम आज स्कूल शिक्षा मंत्री डॉ.प्रेमसाय सिंह टेकाम ह घोसित करे हे । हाई स्कूल म 74.23 प्रतिशत अउ हायर सेकेण्डरी स्कूल म 79.30 प्रतिशत परीक्षार्थी उत्तीर्ण होय हे हैं। हाई स्कूल में बालिका मन के प्रतिशत 78.84 अउ बालक मन के 69.07 प्रतिशत है। अइसने हायर सेकेण्डरी परीक्षा म बालिका मन के प्रतिशत 81.15 अउ बालक मन के 77.03 प्रतिशत है।

(chhattisgarh) मुख्यमंत्री भूपेश बघेल अउ स्कूल शिक्षा मंत्री डॉ.प्रेमसाय सिंह टेकाम ह परीक्षा म सफल सबो परीक्षार्थी ल बधाई देत हुये ओखर उज्जवल भविष्य के सुभकामना दीन हे। वो हा परीक्षा म असफल विद्यार्थी मन ले किहीन हे कि असफलता ही सफलता के सीढ़ी हे। एला ध्यान म रखत हुए निराश न हों अउ पुनः मेहनत ले पढ़ाई कर के सफलता ल प्राप्त करे। ए अवसर म छत्तीसगढ़ माध्यमिक शिक्षा मंडल के अध्यक्ष डॉ. आलोक शुक्ला, सचिव प्रोफेसर व्ही.के.गोयल, मंडल के सदस्य अउ अधिकारी-कर्मचारी उपस्थित रिहीन ।