घाम के दिन मां साफ अउ नियम से पानी पहुंचाय बर लोक स्वास्थ्य यांत्रिकी विभाग होइस होसियार
- दुरिहा के गांव मन तक बिना कोनो रुकावट के पानी पहुंचाय मां जुरे हे पीएचई के टीम
- तकनीकी करमचारी अउ हैंडपंप मैकेनिक मन ला खराब हैंडपंप, पाइपलाइन के समिस्या अउ पानी बियवस्था मां अइया रुकावट मन ला तुरंते सुधारे के दे गिस निरदेस
रायपुर. बड़े भारी घाम, उमस अउ लगातार बढ़त पानी के संकट के बीच लोक स्वास्थ्य यांत्रिकी विभाग के टीम देहाती (ग्रामीण) इलाका मन मां सुघर पानी बियवस्था बनाय रखे बर पूरा निरनय के साथ मैदान मां डटे हे। घाम के दिन मां गामीन मन तक साफ अउ नियम से पानी पहुंचाय बर लोक स्वास्थ्य यांत्रिकी विभाग के टीम होसियारी से काम करत हे। बन-जंगल अउ दुरिहा के गांव मन तक बिना कोनो रुकावट के पानी पहुंचाय बर विभाग फुर्ती से काम करत हे। राज सरकार ह विभाग के जम्मो तकनीकी करमचारी अउ हैंडपंप मैकेनिक मन ला खराब हैंडपंप, पाइपलाइन के समिस्या अउ पानी बियवस्था मां अइया रुकावट मन के तुरंते निपटारा करे के निरदेस दे हे।
उप मुख्यमंत्री अउ लोक स्वास्थ्य यांत्रिकी मंत्री अरुण साव के निरदेस मां विभाग के अधिकारी मन लगातार देहाती इलाका मन के दउरा करके पानी योजना मन के जमीनी हालत के जाच-परख करत हें। विभाग के टीम बड़े भारी घाम अउ कठिन परिस्थिति के बाद घलो गामीन मन ला पानी के समिस्या से राहत देवलाय बर दिन-रात काम करत हे। विभाग कोति ले दुरिहा इलाका मन मां जल जीवन मिशन के तहत चलत योजना मन के लगातार देख-रेख (मॉनिटरिंग) करे जात हे, ताकि हर एक गामीन परिवार तक साफ अउ सुरछित पानी बिना कोनो रुकावट के मिलत रहे। घाम के दिन मां घलो हर घर तक साफ, सुरछित अउ नियम से पानी पहुंचाना सबले पहिली बुता मान के विभाग के टीम मन फिरती से काम करत हें।
विभाग कोति ले जल जीवन मिशन के तहत चलत योजना मन ला नियम से चलाय के साथ-साथ गामीन मन ला पानी बचाय (जल संरक्षण) बर घलो जागुरुक करे जात हे। मनखे मन ले जरूरत नहीं होय मां नल के टोटी ला बंद रखे, पानी के फालतू खरच ला रोके अउ पानी बचाय के अरजी करे जात हे। विभाग कोति ले ए संदेस घलो दिये जात हे कि पानी सिरिफ़ आज के जरूरत नो हे, भलुक आघू अइया पीढ़ी मन बर घलो अमोलक चीज (संसाधन) ए, एकर बर एकर बचाव हम सब के मिलजुल के जिंमेदारी ए।
लोक स्वास्थ्य यांत्रिकी विभाग के टीम ह घूमत-घूमत गांव के जल अउ स्वच्छता समिति के सगा मन के साथ बइठक करके योजना मन ला बरोबर चलाय मां मनखे मन के भागीदारी बढ़ाए बर बिसेस जोर देवत हे। गामीन मन ला पानी कर (जल कर) पटाय के महतव ला समझाय जात हे, ताकि योजना मन के रख-रखाव अउ संचालन कतको दिन तक बिना कोनो रुकावट के चलत रहे। विभाग कोति ले हर घर के नल कनेक्सन के करा सोख्ता गढ़वा (सोख्ता गड्ढा) बनाय बर जोर दिये जात हे, जेकर से पानी के बचाव के साथ-साथ साफ-सफाई घलो बने रहे।
हमर व्हाट्सएप चैनल ला सब्सक्राइब करव अऊ मया देवव
Whatsapp –https://whatsapp.com/channel/0029VaPmGTXInlqS2WQAhw1n
YouTube –https://youtube.com/@jayjohar?si=AZDI5zciOCT3Oqhw
Facebook –https://www.facebook.com/share/18GsFBTgfd/
