corona: राजनांदगांव म कोरोना के 11 नवा मरीज के होइस पहचान

जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। राजनांदगांव शहर म सनिच्चर के कोरोना (corona) के 11 नवा मरीज के पहचान होय हे। आज मिले सब्बो 11 संक्रमित मरीज ह मृतक के सम्पर्क म आय रहिस। सब्बो ल मेडकिल कालेज अस्पताल ले जाय के तैयारी चलत हे। ए मामले के स्वास्थ्य विभाग ह पुष्टि करे हे।
बता देन कि शुक्रवार के कोरोना (corona) के 70 नवा मरीज के पुष्टि होय रहिस। जेमा जांजगीर-चांपा ले 18, सरगुजा ले 17, रायपुर ले 9, बलौदाबाजार ले 8, जशपुर ले 6, मुंगेली ले 4, राजनांदगांव ले 3, बिलासपुर ले 2, दुर्ग, कोरिया अऊ बलरामपुर ले एक मरीज सामने आय हे।