जय जोहार…. नगरीय प्रशासन एवं श्रम मंत्री डॉ शिव डहरिया ह आज आरंग विधानसभा क्षेत्र के अलग-अलग गांव के दौरा करिन। ए दौरान मंत्री डहरिया ह 93 लाख 22 हजार रूपिया के अलग-अलग विकास कार्य के लोकार्पण अऊ भूमिपूजन करिन। मंत्री डहरिया ह ग्राम सेमरिया म धान खरीदी केंद्र म 19 लाख 97 हजार रूपिया के लागत ले चबूतरा निर्माण बर भूमिपूजन करिन।
ए अवसर म मंत्री डहरिया ह कहिन कि रोका-छेका हमर मन के प्राचीन संस्कृति हे। मुख्यमंत्री भूपेश बघेल के मंशा के अनुरूप फसल ल मवेशी ले बचाए बर अऊ खुले म चराई म रोक लगाय बर 19 जून ले 30 जून तक रोका-छेका अभियान चलाय जावत हे।
वो हा ग्रामीण मन ले पसु ल गौठान म रखने अऊ खुले म चराई म रोक लगाय के शपथ ले के अपील करे हे। मंत्री डॉ. डहरिया ह ग्राम खोरसी म 14 लाख 93 हजार रूपिया के लागत ले निर्मित होवइया गौठान निर्माण के भूमिपूजन अऊ जैतखाम के पास 2 लाख के लागत ले निर्मित चबूतरा निर्माण के लोकार्पण करिन।
वो हा ग्राम कुटेला म 14 लाख 69 हजार रूपिया के लागत के धान खरीदी केंद्र म चबूतरा निर्माण अऊ ग्राम अमोदी म 7 लाख 13 हजार के लागत के धान खरीदी केंद्र म चबूतरा निर्माण बर भूमिपूजन करे हे।
Other Articles
corona: छत्तीसगढ़ म फेर मिलिस कोरोना के 7 नवा मरीज
No Comment! Be the first one.