Corona: छत्तीसगढ़ म बीते 24 घंटा म मिले हे 1110 नवा मामला, रायपुर म घलो 79 पाजिटिव

जय जोहार…. प्रदेश म बीते 24 घंटा म कोरोना (corona) के 1110 नवा मामला ह सामने आय हे। उहचे 1314 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 17 लोगन मन के मौत हो गे हे।

बीते 24 घंटा म जेन कोरोना (corona) के नवा मरीज मिले हे, ओमा कोरबा ले 163, जांजगीर-चांपा ले 136, रायगढ़ ले 126, राजनांदगांव ले 103, रायपुर ले 79, बिलासपुर ले 77, दुर्ग ले 64, सरगुजा ले 41, कांकेर ले 36, सूरजपुर ले 34, बालोद ले 31, महासमुंद ले 29, दंतेवाड़ा ले 25, कोरिया ले 24, बीजापुर ले 16 अऊ धमतरी ले 9 नवा मरीज शामिल हे।

बता देन कि प्रदेश म कोरोना (corona) संक्रमित मरीज मन के संख्या ह 2 लाख 11 हजार 644 हो गे हे। जेमा ले 18577 एक्टिव मामला हे। उहचे 1 लाख 90 हजार 463 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2604 लोगन मन के मौत हो गे हे।