Corona: प्रदेश म बीते 24 घंटा म होय हे कोरोना के 1147 नवा मरीज पहचान, रायपुर म घलो 140 पाजिटिव
जय जोहार…. (Corona) प्रदेश म पिछिले 24 घंटा म कोरोना के 1147 नवा मरीज सामने आय हे। उहचे 1170 संक्रमित मन ल बने होय के अस्पताल ले डिस्चार्ज कर दे गे हे। जबकि इलाज के दौरान 10 लोगन मन के मौत हो गे हे।
प्रदेश म बीते 24 घंटा म जेन कोरोना (Corona) के नवा मरीज के पहचान होय हे, ओमा रायपुर ले 140, दुर्ग ले 139, बिलासपुर ले 89, राजनांदगांव ले 77, जांजगीर-चांपा ले 75, रायगढ़ ले 61, कोरबा ले 55, सरगुजा अऊ कोरिया ले 52-52, बालोद ले 51, बलौदाबाजार ले 50, महासमुंद ले 43, धमतरी ले 41, बेमेतरा ले 33, जशपुर ले 32, सूरजपुर ले 29, कांकेर ले 26, बलरामपुर ले 20, मुंगेली ले 18, गरियाबंद ले 12 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 2 लाख 83 हजार 515 पहुंच गे हे। जेमा ले 9766 एक्टिव मामला हे। उहचे 2 लाख 70 हजार 337 लोगन मन ल बने स्वस्थ होय के बाद अस्पताल ले छुट्टी दे दे गे हे। ए वायरस ले प्रदेश म अब तक 3412 लोगन मन के मौत हो गे हे।
