Raipur: विधायक ह पहुंचिस पटाय बर ई चालान, यातायात नियम के करिन पालन

जय जोहार…. (Raipur) रायपुर उत्तर के विधायक अऊ छत्तीसगढ़ हाउसिंग बोर्ड के अध्यक्ष यातायात नियम के पालन करत हुये ई चालान ल पटाय बर ट्रैफिक थाना पहुंचिस। जिहां विधायक जुनेजा ह अपन गलती ल स्वीकार करिन अऊ आम लोगन मन के तरह लाईन म लग के ई चालान ल पटाईस।

ए दौरान (Raipur) विधायक जुने जा ह यातायात पुलिस ह हमेशा चौक-चौराहा म मुस्तैद रहत हुय ड्यूटी करत लोगन मन के जान अऊ माल के रक्षा करे के बात कहे हे। जेखर ले ओ ह अपन गंतव्य तक सुरक्षित पहुंच सके। विधायक जुनेजा ह आम लोगन मन ले ट्रैफिक नियम के पालन करे के संग ट्रैफिक पुलिस ल सहयोग करे के घलो अपील करिन।

विधायक जुनेजा ले प्रेरित हो के नगर निगम के एल्डरमैन सुनील भुवाल ह घलो ई चालान ल पटाईस अऊ नियम के पालन करिन। (Raipur) ए दौरान नगर निगम के एल्डरमैन सुनील छतवानी, मनोज अग्रवाल, कंवलजीत जुनेजा, संजय सोनी, दलजीत चावला, राकेश वाकड़े समेत आन कार्यकर्ता मन मौजूद रिहिन।