corona: धमतरी जिला म पिछिले 24 घंटा म बाढ़ गे 115 नवा मरीज, 61 मरीज ह होइस डिस्चार्ज

जय जोहार…. धमतरी जिला म कोरोना (corona) संक्रमित मन के संख्या ह कम होय के नाम नई लेवत हे। ए जिला म बीते 24 घंटा म कोरोना के 115 नवा मरीज मिले हे। उहचे 61 मरीज मन ह कोरोना ले जंग जीत ले हे, जेखर बाद ओ मन ल अस्पताल ले डिस्चार्ज कर दे गे हे।

जिला स्वास्थ्य समिति धमतरी ले जारी आंकड़ा के मुताबिक आज ए जिला म सबले जादा धमतरी शहरी ले कोरोना (corona) के 47 नवा मरीज के पहचान होय हे। एखर आलावा गुजरा ले 31, कुरुद ब्लाक ले 29, नगरी ब्लाक ले 7 अऊ मगरलोड ले 1 मरीज मिले हे।

बता दन कि जिला म कोरोना (corona) संक्रमित मन के संख्या ह बाढ़ के 1926 पहुंच गे हे। जेमा ले 844 एक्टिव मामला हे। उहचे 1055 मरीज मन ह बने होय के बाद अपन घर लहुट चुके हे। ए वायरस ले जिला म अब तक 27 लोगन मन के मौत हो गे हे।