corona: प्रदेश म फेर मिलिस कोरोना के 115 नवा मामला, रायपुर म सबले जादा 50 पाजिटिव

जय जोहार…. प्रदेश में कोरोना (corona) संक्रमित मरीज मन के संख्या ह कम होय के नाम नई लेवत हे। राज्य म आज कोरोना के 115 नवा मरीज मिले हे।

ऊहचे 170 मरीज ह कोरोना (corona) ले जंग जीत गे हे, जेखर बाद ओ मन ल डिस्चार्ज कर दे गे हे। आज रायपुर म एक कोरोना मरीज के मौत हो गे हे।

प्रदेश म जेन आज नवा मरीज मिले हे, ओमा रायपुर ले 50, कोंडागांव ले 23, बिलासपुर ले 6, गौरेला-पेंड्रा-मरवाही, कोरिया अउ नारायणपुर ले 5-5, कांकेर ले 4, दंतेवाड़ा अउ जांजगीर ले 3-3, बीजापुर, दुर्ग अउ बलरामपुर ले 2-2, बस्तर, सुकमा अउ सरगुजा ले एक-एक मरीज शामिल हे।

बता देन कि प्रदेश में कोरोना (corona) के कुल संक्रमित मरीज मन के संख्या ह बाढ़ के 5731 पहुंच गे हे। जेमा ले एक्टिव मामला ह 1588 हो गे हे। ऊहचे 4114 लोगन मन ह बने होय के बाद अपन घर लहुट चुके हे।