raipur म आज ले लगिस लॉकडाउन, बेवजह घूमइया म होही कार्रवाई

जय जोहार…. राजधानी रायपुर (raipur) में आज ले लॉकडाउन लागू हो गे हे। ए दौरान बाहर निकले अउ बेवजह घूमे म पूरा पाबंदी हे। इहां किराना दुकान तक ल खोले के अनुमति नई हे।
रायपुर (raipur) जिला प्रशासन के तरफ से केहे गे हे कि ए बार लॉकडाउन म कोनो तरह के रियायत नई दे जाही। किराना अउ राशन दुकान तक बन्द रही।

सिरिफ मेडिकल दुकान ल पूरा दिन खोले के अनुमति होही। उहचे दूध, फल, सब्जी अउ सरकारी पीडीएस के दुकान ल बिहिनिया 10 बजे तक खोले जा सकही। राजधानी रायपुर (raipur) म दोपहर तीन बजे तक पेट्रोल पंप ल खोले के अनुमति दे गे हे।

बस, आटो, टैक्सी समेत सबो सार्वजनिक परिवहन ह बन्द रही। मॉल, सुपर मार्केट, कपड़ा, फैंसी स्टोर, स्टेशनरी समेत अइसे सब्बो दुकान ह बन्द रही।