Corona: छत्तीसगढ़ म होय हे कोरोना के 1172 नवा मरीज के पहचान, राजधानी म घलो 398 पाजिटिव
जय जोहार…. छत्तीसगढ़ म कोरोना (Corona) संक्रमित मरीज मन के संख्या ह सरलघा बाढ़त जावत हे। प्रदेश म आज रात आठ बजे तक कोरोना के 1172 नवा मामला दर्ज करे गे हे।
उहचे 879 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 14 लोगन मन के मौत हो गे हे।
आज जेन कोरोना (Corona) के नवा मरीज मिले हे, ओमा रायपुर ले 398, दुर्ग ले 155, बिलासपुर ले 96, राजनांदगांव अऊ रायगढ़ ले 54-54, जांजगीर-चांपा ले 46, सूरजपुर ले 28, बलरामपुर ले 27, महासमुंद अऊ कोंडागांव ले 25-25, धमतरी ले 23, सरगुजा अऊ बस्तर ले 21-21, बलौदाबाजार ले 20, गरियाबंद ले 18, बेमेतरा ले 15, कोरिया ले 14, कबीरधाम ले 13, कांकेर ले 12, मुंगेली ले 11 नारायणपुर ले 10, बीजापुर ले 9, गौरेला-पेंड्रा-मरवाही ले 5 अऊ आन राज्य ले 3 मरीज शामिल हे।
बता दन कि प्रदेश म कोरोना (Corona) संक्रमित मन के संख्या ह बाढ़ के 41806 पहुंच गे हे। जेमा ले एक्टिव मामला 20968 हे।
उहचे 20487 लोगन मन ल बने होय के बाद डिस्चार्ज कर दे गे हे। ए वायरस ले प्रदेश म अब तक 351 लोगन मन के मौत हो गे हे।