जय जोहार…. कोरोना ल ले के काली एक बड़का बइठक होवइया हे। सीएम (cm) भूपेश बघेल ह काली अपन निवास कार्यालय में दोपहर एक बजे ले प्रदेश म कोरोना संक्रमण ले बचाव अऊ उपचार के समीक्षा करही।
सीएम (cm) बघेल ह वीडियो कांफ्रेसिंग ले सबो कमिश्नर, कलेक्टर, आईजी, जिला पंचायत के सीईओ, नगर निगम के आयुक्त अऊ मुख्य स्वास्थ्य अऊ चिकित्सा अधिकारी, के संग आयोजित बइठक म जिला वार अस्पताल, कोविड सेंटर अऊ आइसोलेशन केंद्र म उपलब्ध अऊ ओक्यूपाइड बिस्तर के संख्या, सिप्टोमेटिक अऊ एसिप्टोमेटिक मरीज के संख्या, जिलावार रोजाना औसत टेस्ट क्षमता के समीक्षा करही।
सीएम (cm) बघेल ह एखर संगेसंग जांच रिपोर्ट म लगइया समय, रैपिड टेस्ट अऊ आरटीपीसीआर टेस्ट के संक्या, पिछले सात दिन के दैनिक विवरण, दुनो प्रकार के टेस्ट के परिणाम, आक्सीमीटर के उपलब्धता, आवश्यक दवा के उपलब्धता, आईसीयू अऊ वेंटिलेटर के उपलब्धता, कंट्रोल रूम अऊ हेल्पलाइन के कार्यप्रणाली के समीक्षा करही।
