जय जोहार। मुख्यमंत्री भूपेश बघेल के मंसा के अनुरूप राज्य म पशुधन के संरक्षण अउ संवर्धन बर स्थापित गौठान तेजी ले ग्रामीण औद्योगिक पार्क के रूप म विकसित होय ल लगे हे। गौठान म आयमूलक गतिविधि के संचालन के संगेसंग नवाचार के रूप म गोबर ले प्राकृतिक पेंट के उत्पादन घलो सुरू हो गेहे । वर्तमान म गौठान म गोबर ले प्राकृतिक पेंट बनाय बर 13 ठहिं यूनिट स्थापित होए हे, जेमा ले 12 ठीन यूनिट सुरू हो चुके हे ।
गौठान म गोबर ले प्राकृतिक पेंट बनाय बर रायपुर जिला म 2, कांकेर, दुर्ग, बालोद, कोरबा, बेमेतरा, सूरजपुर, बस्तर, कोरिया, कोण्डागांव, दंतेवाड़ा अउ बीजापुर म एक-एक ठीन यूनिट स्थापित करे जा चुके हे । कोरिया जिला म स्थापित यूनिट ल छोड़के बाकी यूनिट म उत्पादन सुरू हो गेहे । रायपुर जिला के गौठान म स्थापित दो ठीन यूनिट डहार ले अब तक 7255 लीटर प्राकृतिक पेंट के उत्पादन करे गेहे ।
कांकेर जिला म 6059 लीटर प्राकृतिक पेंट के उत्पादन करे जा चुके हे , बालोद अउ कोरबा जिला म 100-100 लीटर, बेमेतरा म 300, सूरजपुर म 500, बस्तर जिला म 120 लीटर, कोण्डागांव म 400, दंतेवाड़ा म 1102 अउ बीजापुर म 200 लीटर प्राकृतिक पेंट के उत्पादन होए हे । अइसने राज्य म अब तक 17 हजार 936 लीटर प्राकृतिक पेंट के उत्पादन करे गेहे । 9 हजार 622 लीटर प्राकृतिक पेंट के विक्रय ले 22 लाख 51 हजार 110 रुपिया के आय अर्जित होए हे ।
No Comment! Be the first one.