Corona: प्रदेश म बीते 24 घंटा म बाढ़ गे 1259 नवा मामला, राजधानी म घलो 209 पाजिटिव
जय जोहार…. छत्तीसगढ़ म बीते 24 घंटा म कोरोना (corona) के 1259 नवा मामला के पहचान होय हे। उहचे 640 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दौरान 13 लोगन मन के मौत हो गे हे।
बीते 24 घंटा म जेन कोरोना (corona) के नवा मरीज मिले हे, ओमा रायपुर ले 209, बिलासपुर ले 125, जांजगीर-चांपा ले 106, बालोद ले 101, राजनांदगांव ले 83, रायगढ़ ले 82, कोरबा ले 79, दुर्ग ले 71, धमतरी ले 61, बलौदाबाजार ले 52, महासमुंद ले 49, सरगुजा ले 41, कोरिया अऊ सूरजपुर ले 23-23, कोंडागांव ले 22, बेमेतरा ले 20, कोरिया ले 18, दंतेवाड़ा ले 15, बस्तर ले 13, कबीरधाम ले 12, जशपुर ले 11 मरीज शामिल हे।
बता देन कि प्रदेश म कोरोना (corona) संक्रमण के मामला ह बाढ़ के 2 लाख 57 हजार 20 हो गे हे। जेमा ले 19 हजार 70 एक्टिव मामला है। उहचे 2 लाख 34 हजार 853 लोगन मन ह बने होय के बाद अस्पताल ले अपन घर लहुट चुके हे। ए वायरस ले प्रदेश म अब तक 3097 लोगन मन के मौत हो गे हे।
