जय जोहार…. (Corona) छ्त्तीसगढ़ म बीते 24 घंटा म कोरोना के 1273 नवा मामला मिले हे। उहचे 1463 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 7 लोगन मन के मौत हो गे हे।
प्रदेश म पिछिले 24 घंटा म जेन कोरोना (Corona) के नवा मरीज के पहचान होय हे, ओमा रायपुर ले 153, बिलासपुर ले 118, रायगढ़ ले 101, दुर्ग ले 90, जांजगीर-चांपा ले 89, राजनांदगांव ले 87, कोरबा ले 74, बालोद अऊ महासमुंद ले 52-52, बलौदाबाजार ले 49, कोरिया ले 43, सूरजपुर ले 42, सरगुजा ले 38, धमतरी ले 33 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह बाढ़ के 2 लाख 35 हजार 998 पहुंच गे हे। जेमा ले 22 हजार 642 एक्टिव मामला हे। उहचे 2 लाख 12 हजार 517 लोगन मन ल बने होय के बाद अस्पताल ले छुट्टी दे दे गे हे। ए वायरस ले प्रदेश म अब तक 2840 लोगन मन के मौत हो गे हे।
No Comment! Be the first one.