13 अक्टूबर के छत्तीसगढ़ आही बसपा सुप्रीमो मायावती, जोगी के संग करही जनसभा

बिलासपुर। सोमवार के बहुजन समाज पार्टी अउ जनता कांग्रेस छत्तीसगढ़ जे के प्रमुख पदाधिकारी मन के बइठक होइस। बइठक म दूनों दल मन के नेतामन विधानसभा चुनाव ल लेके चरता करिन। ये बइठक म जानकारी दे गिस के बसपा सुप्रीमों मायावती 13 अक्टूबर के प्रदेस के दउरा म आही। उमन जोगी के संग मंच साझा करही अउ कार्यकर्ता मन ल जोश भरही।
बतादन के बइठक में विधायक अमित जोगी, सियाराम कौशिक,धर्मजीत सिंह, अनिल टाह , योगेश तिवारी, बसपा प्रभारी डॉ. अशोक सिद्धार्थ, भीम राजभर, एमएल भारती, केशव चंद्रा, ओपी बाजपेयी, दाऊराम रत्नाकर सहित प्रदेस अउ जिला स्तर के पदाधिकारी व उम्मीदवार घलो उपस्थित रहिन। बताये जात हे के 30 सितंबर तक दूनों ही दल सीट मन ल फाइनल कर ले जाही।