Corona: गरियाबन्द जिला म फेर मिले हे कोरोना के तीन नवा मरीज, सक्रिय मामले ह बाढ़ के होइस 13

जय जोहार…. गरियाबन्द जिला म गुरुवार के कोरोना (corona) संक्रमित तीन नवा मरीज मन के पहचान होय हे। जेमा ले दू मरीज ह एक परिवार के मां-बेटा हे अऊ एक स्वास्थ्य विभाग के कर्मचारी बताय जावत हे।
जिला मुख्य चिकित्सा अधिकारी एनआर नवरत्न ह बताइस कि कुछु दिन पहले संक्रमित हुये लैब टेक्नीशियन के पत्नी अऊ ओखर एक 12 साल के लईका के रिपोर्ट ह पॉजिटिव आय हे। ऊहचे सीएमएचओ कार्यालय के एक कर्मचारी ह घलो कोरोना संक्रमित पाय गे हे।
तीनों कोरोना (corona) संक्रमित मरीज मन ल रायपुर रिफर करे के तैयारी ल सुरू कर दे गे हे। एखर संग गरियाबन्द जिला मुख्यालय म अब कोरोना (corona) संक्रमित मरीज मन के संख्या ह चार हो गे हे। ऊहचे जिला म एक्टिव मरीज मन के संख्या ह बाढ़ के 13 हो गे हे ।