Corona: प्रदेश म बीते 24 घंटा म सामने आय हे 1368 नवा मामला, राजधानी म घलो 164 पाजिटिव

जय जोहार…. (corona) छत्तीसगढ़ म पिछिले 24 घंटा म कोरोना के 1368 नवा मामला सामने आय हे। उहचे 1636 संक्रमित ल बने होय के बाद अस्पताल ले छुट्‌टी दे दे गे हे। जबकि इलाज के दौरान 7 लोगन मन के मौत हो गे हे।

बीते 24 घंटा म कोरोना (corona) के जेन नवा मरीज के पहचान होय हे, ओमा रायपुर ले 164, बिलासपुर ले 123, दुर्ग ले 120, रायगढ़ ले 105, जांजगीर-चांपा ले 95, सरगुजा अऊ सूरजपुर ले 77-77, कोरबा ले 75, राजनांदगांव ले 72, महासमुंद ले 69, बलौदाबाजार ले 63, बालोद ले 61, धमतरी ले 58, जशपुर अऊ कोरिया ले 35-35, कबीरधाम ले 30 मरीज शामिल हे।

बता देन कि प्रदेश म कोरोना (corona) संक्रमण के मामला ह बाढ़ के 2 लाख 66 हजार 266 हो गे हे। जेमा ले 17040 एक्टिव मामला हे। उहचे 2 लाख 46 हजार 54 लोगन मन ह कोरोना ल मात दे दे हे, जेखर बाद ओमन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3172 लोगन मन के मौत हो गे हे।