Corona: प्रदेश म बीते 24 घंटा म सामने आय हे 1375 नवा मरीज, राजधानी म घलो 166 पाजिटिव
जय जोहार…. प्रदेश म पिछिले 24 घंटा म कोरोना (Corona) के 1375 नवा मरीज मिले हे। उहचे 208ृ93 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 13 लोगन मन के मौत हो गे हे।
प्रदेश म पिछिले 24 घंटा म कोरोना (Corona) के जेन नवा मरीज मिले हे, ओमा रायगढ़ ले 195, कोरबा ले 171, राजधानी ले 166, जांजगीर-चांपा ले 92, बिलासपुर ले 82, राजनांदगांव ले 76, दुर्ग ले 40, बालोद ले 38, बेमेतरा ले 29, कबीरधाम ले 22, धमतरी ले 44, महासमुंद ले 27, गरियाबंद ले 73, जशपुर ले 53, मुंगेली ले 14 मरीज शामिल हे।
बता देन कि प्रदेश म कोरोना संक्रमित मन के संख्या ह 200937 हो गे हे। जेमा ले 22361 एक्टिव मामला हे। उहचे 176129 लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 2447 लोगन मन के जान चले गे हे।
