Corona: देश म पिछिले 24 घंटा म मिले हे 45 हजार ले जादा नवा मामला, 490 लोगन मन के हो गे मौत

जय जोहार…. देश म पिछिले 24 घंटा म कोरोना (Corona) के 45 हजार ले जादा नवा मामला के पहचान होय हे। उहचे इलाज के दौरान 490 लोगन मन के मौत हो गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 45903 नवा मरीज सामने आय हे। एला मिला के देश म कोरोना संक्रमित मन के संख्या ह 85 लाख 53 हजार 675 हो गे हे। जेमा ले 5 लाख 9 हजार 673 एक्टिव मामला हे।

उहचे 79 लाख ले जादा लोगन मन ह कोरोना (Corona) ल मात दे दे हे, जेखर बाद ओ मन ल अस्पताल ले छुट्‌टी दे दे गे हे। ए वायरस ले देश म अब तक 1 लाख 26 हजार 611 लोगन मन के जान चले गे हे।