1384 पद बर सहायक प्राध्यापक भर्ती परीक्षा चार मई ले , तीन दिन म होही छह पाली म

जय जोहार रायपुर…. छत्तीसगढ़ लोक सेवा आयोग (पीएससी) ह सालभर बाद उच्च शिक्षा विभाग के सहायक प्राध्यापक भर्ती परीक्षा के समय-सारिणी ल जारी कर दे हे। ये परीक्षा ह 4, 5 अऊ 6 मई के 6 पाली मन म होही।
बता दन कि ये परीक्षा  कुल 1384 पद मन बर होही। एखर अधिसूचना ल जनवरी 2019 म जारी करे गे रहिस। ये परीक्षा बर विज्ञापन जारी होए के बाद ले विवाद मन म रहिस। कई मामला मन ल अभ्यर्थी मन ह हाईकोर्ट के दरवाजा खटखटाए रहिस। एखर चलत सालभर न परीक्षा के तारीख जारी होइस अऊ न परीक्षा के आयोजन होइस। आखिरकर सालभर बाद पीएससी ह परीक्षा के तारीख जारी करिस हे। परीक्षा बर आवेदन प्रक्रिया पूरा हो गे हे।