जय जोहार…. छत्तीसगढ़ म कोरोना (corona) संक्रमित मरीज मन के संख्या ह कम होय के नाम नई लेवत हे। प्रदेश म इतवार के कोरोना के 139 नवा मरीज के पहचान होय हे।
स्वाथ्य विभाग के आंकड़ा के मुताबिक प्रदेश म आज जेन नवा मरीज ह मिले हे, ओमा कोरबा ले 39, जांजगीर चांपा ले 21, राजधानी रायपुर ले 17, बलौदाबाजार ले 17, जशपुर ले 16, राजनांदगांव ले 14, गरियाबंद ले 4, दुर्ग ले 3, रायगढ़, बेमेतरा अऊ कांकेर ले 2-2, सरगुजा अऊ बलरामपुर ले 1-1 मरीज शामिल हे।
ऊहचे आज 53 कोरोना संक्रमित मन ह कोराना (corona) ल मात दे दे हे अऊ प्रदेश के अलग-अलग अस्पताल ले डिस्चार्ज हो के अपन घर लहुट गे हे।
प्रदेश म अब कोरोना (corona) के कुल संक्रमित मरीज मन के संख्या ह 2273 हो गे हे। जबकि राज्य म सक्रिय मरीज मन के संख्या ह 841 हे। ऊहचे 1421 मरीज मन ह स्वस्थ हो के अपन घर लहुट चुके हे।
No Comment! Be the first one.