corona: प्रदेश म बीते 24 घंटा म होय हे 141 नवा मामला के पहचान, रायपुर म घलो 59 पाजिटिव

जय जोहार…. (corona) प्रदेश म बीते 24 घंटा म कोरोना के 141 नवा मरीज के पहचान होय हे। उहचे 130 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 2 मरीज के मौत हो गे हे।

पिछिले 24 घंटा म जेन कोरोना (corona) के नवा मामला मिले हे, ओमा रायपुर ले 59, दुर्ग ले 26, बिलासपुर ले 19, रायगढ़ ले 13, जशपुर ले 8, सूरजपुर ले 3, बेमेतरा अऊ दंतेवाड़ा ले 2-2, राजनांदगांव, बालोद, धमतरी, महासमुंद, गरियाबंद, मुंगेली, कोरिया, गौरेला-पेंड्रा-मरवाही अऊ कांकेर ले 1-1 मरीज सामिल हे।

बता देन कि प्रदेश म कोरोना (corona) संक्रमण के मामला ह 3 लाख 12 हजार 560 हो गे हे। जेमा ले 2774 एक्टिव मामला हे। उहचे 3 लाख 05 हजार 951 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 3835 मरीज मन के मौत हो चुके हे।