corona: देश म पिछिले 24 घंटा म बाढ़ गे कोरोना के 15 हजार ले जादा नवा मरीज, पढ़व
जय जोहार…. (corona) देश म पिछिले 24 घंटा म कोरोना के 15 हजार ले जादा नवा मरीज सामने आय हे। उहचे 11288 मरीज मन ल बने होय के बाद अस्पताल ले छुट्टी दे दे गे हे। जबकि इलाज के दौरान 106 मरीज के मौत हो गे हे।
केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (corona) के 15510 नवा मरीज मिले हे। एला मिला के देश म कोरोना संक्रमण के मामला ह 1 करोड़ 10 लाख 96 हजार 731 हो गे हे। जेमा ले 1 लाख 68 हजार 627 एक्टिव मामला हे।
उहचे 1 करोड़ 07 लाख 86 हजार 457 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 56 हजार 627 मरीज मन के मौत हो चुके हे।
