dhamtari जिला म मिले हे कोरोना के 15 नवा मरीज, 2 मरीज के हो गे मौत

जय जोहार…. धमतरी (dhamtari) जिला म कोरोना के रफ्तार ह कम होय के नाम नई लेवत हे। जिला म सनिच्चर दोपहर तक कोरोना के 15 नवा मरीज सामने आय हे। उहचे दू मरीज मन के मौत हो गे हे।

मिले जानकारी के मुताबिक धमतरी (dhamtari) जिला अस्पताल म करे गे रैपिड एंटीजन टेस्ट म 8 पाजिटिव मिले हे। एखर आलावा कुरुद म चार अऊ नगरी में तीन संक्रमित के पहचान होय हे। उहचे आज इलाज के दौरान दू लोगन मन के मौत हो गे हे।

जेमा धमतरी (dhamtari) शहर के सुंदरगंज वार्ड निवासी एक बुजुर्ग हे, जेखर रायपुर के मेकाहारा म इलाज चलत रहिस। उहचे दूसर संक्रमित ह नगरी ब्लाक के सोनामर के रहवइया हे, जेखर कोविड अस्पताल धमतरी म इलाज चलत रहिस।