Corona: प्रदेश म बीते 24 घंटा म होय हे 15121 नवा मरीज के पहचान, रायपुर म घलो 4168 पाजिटिव
जय जोहार…. प्रदेश म बीते 24 घंटा म कोरोना (Corona) के 15121 नवा मरीज सामने आय हे। उहचे 4139 संक्रमित मन ल बने होय के बाद अस्पताल ले छुट्टी दे दे गे हे। जबकि इलाज के दौरान 109 मरीज के मौत हो गे हे।
पिछिले 24 घंटा म जेन कोरोना (Corona) के नवा मरीज मिले हे, ओमा रायपुर ले 4168, दुर्ग ले 1755, राजनांदगांव ले 1291, बालोद ले 244, बेमेतरा ले 528, कबीरधाम ले 587, धमतरी ले 232, बलौदाबाजार ले 875, महासमुंद ले 422, गरियाबंद ले 411, बिलासपुर ले 1024, रायगढ़ ले 388, कोरबा ले 724, जांजगीर-चांपा ले 523, मुंगेली ले 282, गौरेला-पेंड्रा-मरवाही ले 115, सरगुजा ले 272, कोरिया ले 194, सूरजपुर ले 209, बलरामपुर ले 130, जशपुर ले 294, बस्तर ले 199, कोंडागांव ले 76, दंतेवाड़ा ले 27, सुकमा ले 10, कांकेर ले 115, नारायणपुर ले 9, बीजापुर ले 12 मरीज सामिल हे।
बता देन कि प्रदेश म कोरोना (Corona) संक्रमण के मामला ह 4 लाख 71 हजार 994 हो गे हे। जेमा ले 1 लाख 09 हजार 139 एक्टिव मामला हे। उहचे 3 लाख 57 हजार 668 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 5187 मरीज मन के मौत हो गे हे।
