Corona: प्रदेश म पिछिले 24 घंटा म सामने आय हे 153 नवा मरीज, रायपुर म घलो 38 पाजिटिव

जय जोहार…. प्रदेश म पिछिले 24 घंटा म कोरोना (Corona) के 153 नवा मामला दर्ज करे गे हे। उहचे 122 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 5 संक्रमित के मौत हो गे हे।

पिछिले 24 घंटा म कोरोना (Corona) के जेन नवा मरीज मिले हे, ओमा रायपुर ले 38, दुर्ग ले 32, बिलासपुर ले 18, रायगढ़ ले 9, कोरिया ले 8, धमतरी अऊ महासमुंद ले 7-7, राजनांदगांव ले 5, गरियाबंद, कोरबा, जांजगीर-चांपा, गौरेला-पेंड्रा-मरवाही, सरगुजा अऊ कांकेर ले 3-3, बेमेतरा, बस्तर अऊ दंतेवाड़ा ले 2-2 मरीज सामिल हे।

बता देन कि प्रदेश म कोरोना (Corona) संक्रमित मन के संख्या ह 3 लाख 10 हजार 885 हो गे हे। जेमा ले 3112 एक्टिव मामला हे। उहचे 3 लाख 03 हजार 973 लोगन मन ल कोरोना ले जंग जीत गे हे। जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 3800 संक्रमित मन के मौत हो गे हे।