Corona: देश म बीते 24 घंटा म बाढ़ गे कोरोना के 14 हजार ले जादा नवा मामला, पढ़व

जय जोहार…. देश म बीते 24 घंटा म कोरोना (Corona) के 14 हजार ले जादा नवा मामला ह सामने आय हे। उहचे इलाज के दौरान 83 मरीज के जान चले गे हे।

केंद्रीय स्वास्थ्य मंत्रालय ले जारी आंकड़ा के मुताबिक देश म बीते 24 घंटा म कोरोना (Corona) के 14199 नवा मरीज मिले हे, एला मिला के कोरोना संक्रमित मन के संख्या ह 1 करोड़ 10 लाख 5 हजार 850 हो गे हे। जेमा ले 1 लाख 50 हजार 055 एक्टिव मामला हे।

उहचे 1 करोड़ 06 लाख 99 हजार 410 लोगन मन ल कोरोना (Corona) ले जंग जीत गे हे। जेखर बाद ओ मन ल अस्पताल ले छुट्टी दे दे गे हे। ए वायरस ले देश म अब तक 1 लाख 56 हजार 385 संक्रमित मन के मौत हो गे हे।