Corona: छत्तीसगढ़ म बीते 24 घंटा म मिले हे 1548 नवा मरीज, 18 लोगन मन के हो गे मौत

जय जोहार…. प्रदेश म पिछिले 24 घंटा म कोरोना (Corona) के 1548 नवा मामला सामने आय हे। उहचे 2168 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 18 लोगन मन के मौत हो गे हे।

पिछिले 24 घंटा म जेन कोरोना (Corona) के नवा मरीज मिले हे, ओमा रायपुर ले 180, जांजगीर-चांपा ले 172, कोरबा ले 126, रायगढ़ ले 115, राजनांदगांव ले 110, बालोद ले 76, दुर्ग ले 73, बलौदाबाजार अऊ महासमुंद ले 71-71, धमतरी ले 59, बस्तर, बिलासपुर अऊ सरगुजा ले 49-49, कबीरधाम ले 48, कोरिया अऊ कोंडागांव ले 35-35 नवा मरीज शामिल हे।

बता दें कि प्रदेश म कोरोना (Corona) संक्रमित मरीज मन के संख्या ह 2 लाख 9 हजार 288 पहुंच गे हे। जेमा ले 19 हजार 221 एक्टिव मामला हे। उहचे 1 लाख 87 हजार 522 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2 हजार 545 लोगन मन के मौत हो गे हे।