Corona: छत्तीसगढ़ म पिछिले 24 घंटा म बाढ़ गे 1555 नवा मामला, राजधानी म घलो 229 पाजिटिव
जय जोहार…. प्रदेश म पिछिले 24 घंटा म कोरोना (Corona) के 1555 नवा मामला सामने आय हे। उहचे 1773 लोगन मन ल बने होय के बाद अस्पताल ले छुट्टी दे दे गे हे। जबकि इलाज के दौरान 17 लोगन मन के मौत हो गे हे।
प्रदेश म बीते 24 घंटा म कोरोना (Corona) के जेन नवा मरीज मिले हे, ओमा रायपुर ले 229, दुर्ग ले 117, रायगढ़ अऊ कोरबा ले 112-112, बिलासपुर ले 109, राजनांदगांव ले 101, जांजगीर-चांपा ले 79, बालोद ले 76, बलौदाबाजार ले 68, सूरजपुर ले 65, धमतरी ले 48, महासमुंद ले 47, बेमेतरा ले 46, कोंडागांव ले 43, कांकेर ले 41, कोरिया ले 40 मरीज शामिल हे।
बता देन कि प्रदेश म कोरोना (Corona) संक्रमित मन के संख्या ह 2 लाख 42 हजार 418 हो गे हे। जेमा ले 19 हजार 300 एक्टिव मामला हे। उहचे 2 लाख 20 हजार 177 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2941 लोगन मन के मौत हो गे हे।
