Corona: प्रदेश म आज होय हे कोरोना के 15625 नवा मरीज के पहचान, रायपुर म घलो 2225 पाजिटिव

जय जोहार…. प्रदेश म आज कोरोना (Corona) के 15625 नवा मरीज के पहचान होय हे। उहचे 15830 मरीज मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। जबकि उपचार के दौरान 181 मरीज मन के मौत हो गे हे।

आज जेन कोरोना (Corona) के नवा मरीज मिले हे, ओमा रायपुर ले 2225, दुर्ग ले 1679, बिलासपुर ले 1330, बलौदाबाजार ले 1036, रायगढ़ ले 998, कोरबा ले 990, जांजगीर-चांपा ले 985, राजनांदगांव ले 825, बालोद ले 413, बेमेतरा ले 200, कबीरधाम ले 279, धमतरी ले 472, महासमुंद ले 450, गरियाबंद ले 347, मुंगेली ले 379, गौरेला-पेंड्रा-मरवाही ले 209, सरगुजा ले 636, कोरिया ले 329, सूरजपुर ले 268, बलरामपुर ले 230, जशपुर ले 393, बस्तर ले 220, कोंडागांव ले 112, दंतेवाड़ा ले 48, सुकमा ले 24, कांकेर ले 473, नारायणपुर ले 23, बीजापुर ले 48 मरीज सामिल हे।

बता देन कि प्रदेश म कोरोना (Corona) संक्रमित मन के संख्या ह 5 लाख 74 हजार 299 हो गे हे। जेमा ले 1 लाख 25 हजार 688 एक्टिव मामला हे। उहचे 4 लाख 42 हजार 337 मरीज ल बने होय के बाद अस्पताल ले डिस्चार्ज कर दे गे हे। ए वायरस ले प्रदेश म अब तक 6274 संक्रमित के मौत हो गे हे।