Corona: देश म 24 घंटा म सामने आय हे 2.94 लाख ले जादा नवा मामला, पढ़व

जय जोहार…. देश म कोरोना संक्रमण के मामला ह कम होय के नाव नई लेवत हे। बीते 24 घंटा म कोरोना (Corona) के 2 लाख 94 हजार ले जादा नवा मरीज मिले हे। उहचे जबकि उपचार के दौरान 2020 मरीज मन के मौत हो गे हे।

केन्द्रीय स्वास्थ्य मंत्रालय ले जारी आंकड़ा के मुताबिक देश म पिछिले 24 घंटा म कोरोना (Corona) के 2 लाख 94 हजार 115 नवा मामला मिले हे, एला मिला के संक्रमित मन के संख्या ह 1 करोड़ 56 लाख 09 हजार 004 हो गे हे। जेमा ले 21 लाख 50 हजार 119 एक्टिव मामला हे।

उहचे 1 करोड़ 32 लाख 69 हजार 863 मरीज मन ह कोरोना (Corona) ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले देश म अब तक 1 लाख 82 हजार 570 संक्रमित के मौत हो गे हे।