Corona: प्रदेश म पिछिले 24 घंटा म होय हे 1571 नवा मरीज के पहचान, राजधानी म घलो 127 पाजिटिव
जय जोहार…. प्रदेश म पिछिले 24 घंटा म कोरोना (corona) के 1571 नवा मरीज मिले हे। उहचे 1192 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 22 लोगन मन के मौत हो गे हे।
प्रदेश म बीते 24 घंटा म जेन कोरोना (corona) के नवा मरीज मिले हे, ओमा जांजगीर-चांपा ले 178, कोरबा ले 150, रायपुर ले 127, राजनांदगांव ले 110, बिलासपुर ले 106, बालोद ले 105, रायगढ़ ले 90, कोंडागांव ले 69, कबीरधाम ले 62, दुर्ग अऊ धमतरी ले 53-53, गरियाबंद अऊ बेमेतरा ले 38-38 मरीज शामिल हे।
बता देन कि प्रदेश म कोरोना (corona) संक्रमित मन के संख्या ह बाढ़ के 1 लाख 99 हजार 562 पहुंच गे हे। जेमा ले 23 हजार 256 एक्टिव मामला हे। उहचे 1 लाख 73 हजार 872 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस से प्रदेश म अब तक 2434 लोगन मन के मौत हो गे हे।
