Corona: छत्तीसगढ़ म पिछिले 24 घंटा म सामने आय हे 1579 नवा मरीज, राजधानी म घलो 196 पाजिटिव
जय जोहार…. (Corona) छत्तीसगढ़ म पिछिले 24 घंटा म कोरोना के 1579 नवा मामला के पहचान होय हे। उहचे 1319 लोगन मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 13 लोगन मन के मौत हो गे हे।
बीते 24 घंटा म जेन (Corona) नवा मरीज मिले हे, ओमा रायपुर ले 196, कोरबा ले 131, बिलासपुर ले 120, राजनांदगांव ले 113, दुर्ग ले 110, रायगढ़ ले 107, जांजगीर-चांपा ले 105, बलौदाबाजार ले 93, बालोद ले 82, महासमुंद ले 70, धमतरी ले 65, सरगुजा ले 54, सूरजपुर अऊ कबीरधाम ले 41-41, बेमेतरा ले 38, कोरिया ले 37 मरीज शामिल हे।
बता देन कि प्रदेश म कोरोना (Corona) संक्रमित मरीज मन के संख्या ह 2 लाख 43 हजार 997 हो गे हे। जेमा ले 19 हजार 331 एक्टिव मामला हे। उहचे 2 लाख 21 हजार 690 लोगन मन ल स्वस्थ होय के बाद अस्पताल ले छुट्टी दे दे गे हे। ए वायरस ले प्रदेश म अब तक 2956 लोगन मन के मौत हो गे हे।
