Chhattisgarh: सीएम भूपेश बघेल ह 792 करोड़ के अलग-अलग विकास कार्य के करिन लोकार्पण अऊ भूमिपूजन

जय जोहार…. (Chhattisgarh) सीएम भूपेश बघेल ह आज जशपुर जिला के रणजीता स्टेडियम म आयोजित कार्यक्रम म जिला ल 792 करोड़ 86 लाख रुपया के लागत के 196 अलग-अलग विकास कार्य के सौगात दे हे। एमा 655 करोड़ के लात के 94 कार्य के भूमिपूजन अऊ 137 करोड़ के लागत ले 102 कार्य के लोकार्पण शामिल हे।

सीएम बघेल ह जशपुर जिला म 568 करोड़ 80 लाख रुपया के लागत ले बनइया 64 सड़क बर भूमिपूजन करिन। (Chhattisgarh) ए कार्य म ले लोक निर्माण विभाग के तरफ ले 359 करोड़ 63 लाख रुपया के लागत ले बनाई जाय वाला 32 सड़क के कार्य, प्रधानमंत्री ग्राम सड़क योजना के अंतर्गत 205 करोड़ 65 लाख रुपए के लागत ले बनइया 28 सड़क अऊ मुख्यमंत्री ग्राम सड़क योजना के अंतर्गत 3 करोड़ 52 लागत रूपया के लागत ले बनइया 4 सड़क शामिल हे।

ए अवसर म खाद्य मंत्री अमरजीत भगत, उच्च शिक्षा मंत्री उमेश पटेल, मध्य क्षेत्र आदिवासी विकास प्राधिकरण के अध्यक्ष लालजीत सिंह राठिया, अनुसूचित जाति विकास प्राधिकरण के उपाध्यक्ष उत्तरी गनपत जांगड़े, छत्तीसगढ़ (Chhattisgarh) खनिज विकास निगम के अध्यक्ष गिरीश देवांगन, विधायक जशपुर विनय भगत, रायगढ विधायक प्रकाश नायक, लैलूंगा विधायक चक्रधर सिदार समेत जनप्रतिनिधि उपस्थित रिहिन।