Corona: प्रदेश म पिछिले 24 घंटा म बाढ़ गे 1583 नवा मरीज, राजधानी म घलो 229 पाजिटिव, पढो पूरा खबर
जय जोहार…. प्रदेश म बीते 24 घंटा म कोरोना (Corona) के 1583 नवा मरीज के पहचान होय हे। उहचे 1258 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 21 लोगन मन के मौत हो गे हे।
सनिच्चर के जेन कोरोना (Corona) के नवा मरीज मिले है, ओमा रायपुर ले 229, रायगढ़ ले 138, दुर्ग ले 128, जांजगीर-चांपा ले 122, बालोद ले 90, बिलासपुर ले 87, कोरबा ले 85, बलौदाबाजार ले 82, सरगुजा ले 78, राजनांदगांव ले 73, महासमुंद ले 67, धमतरी ले 55, कबीरधाम ले 49, बेमेतरा ले 45, गरियाबंद ले 38, कोरिया ले 29, सूरजपुर ले 27 मरीज शामिल हे।
बता देन कि प्रदेश म कोरोना (Corona) संक्रमित मरीज मन के संख्या ह 2 लाख 45 हजार 580 हो गे हे। जेमा ले 19533 एक्टिव मामला हे। वहीं 2 लाख 23 हजार 070 लोगन मन ह बने होय के बाद अस्पताल ले अपन घर लहुट चुके हे। ए वायरस ले प्रदेश म अब तक 2977 लोगन मन के मौत हो गे हे।
