जय जोहार…. (Corona) छत्तीसगढ़ म बीते 24 घंटा म कोरोना के 1584 नवा मरीज सामने आय हे। उहचे 1470 संक्रमित मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 8 लोगन मन के मौत हो गे हे।
गुरुवार के कोरोना (Corona) के जेन नवा मरीज मिले हे, ओमा रायपुर ले 333, जांजगीर-चांपा ले 125, दुर्ग ले 122, रायगढ़ ले 119, धमतरी ले 81, बिलासपुर ले 80, कोरबा अऊ महासमुंद ले 72-72, राजनांदगांव ले 69, बालोद ले 68, सरगुजा ले 59, सूरजपुर ले 47, बलरामपुर ले 46, बलौदाबाजार ले 44, बेमेतरा ले 43, जशपुर ले 42, कोरिया ले 40 मरीज शामिल हे।
बता देन कि प्रदेश म कोरोना (Corona) संक्रमण के मामला ह 2 लाख 63 हजार 485 हो गे हे, जेमा ले 17407 एक्टिव मामला हे। उहचे 2 लाख 42 हजार 922 लोगन मन ह स्वस्थ होय के बाद अस्पताल ले अपन घर लहुट चुके हे। ए वायरस ले प्रदेश म अब तक 3156 लोगन मन के मौत हो गे हे।
