bilaspur के अनुकृति पांडे के टैलेंटिका मिस इंडिया ग्लोबल म होय हे चयन, पढ़ो पूरा खबर

जय जोहार…. (bilaspur) छत्तीसगढ़ म कला अऊ अभिनय के क्षेत्र म अग्रसर अनुकृति पांडे के टैलेंटिका मिस इंडिया ग्लोबल म चयन होय हे। ऑनलाइन आ़डिशन अऊ इंटरव्यू के बाद टैलेंटिका मिस इंडिया ग्लोबल ह गोवा म होवइया हे।

एमा अनुकृति पांडे ह फाइनलिस्ट प्रतिभागी के रूप म दिखाई देही। (bilaspur) शो के राउंड ह 20 दिसंबर ले 24 दिसंबर तक चलही। बता देन कि बिलासपुर के रहवइया अनुकृति पांडे ह सिरिफ 19 साल के हे। वोहा 4 साल के उम्र म ही मॉडलिंग के शुरुआत करे रिहिन।

वो हा अपन करियर के शुरुआत ल विज्ञापन ले करे रिहिन। (bilaspur) हाल ही म मुंबई के मशहूर निर्माता अऊ निर्देशक के वेब सीरीज म घलो काम करिन। समय-समय म सोशल वर्क म शामिल रहत अनुकृति ह कोरोना काल म मास्क अऊ सेनेटाइजर के वितरण करिन। वो हा कई चैरिटी बर घलो रैंप वॉक करे हे।