Corona: प्रदेश म बीते 24 घंटा म मिले हे कोरोना के 1586 नवा मामला, राजधानी म घलो 112 पाजिटिव

जय जोहार…. प्रदेश म बीते 24 घंटा म कोरोना (Corona) के 1586 नवा मरीज ह सामने आय हे। उहचे 2188 मरीज मन ल बने होय के बाद अस्पताल ले डिस्चार्ज कर दे गे हे। जबकि इलाज के दौरान 17 लोगन मन के मौत हो गे हे।

बीते 24 घंटा म जेन कोरोना (Corona) के नवा मरीज मिले हे, ओमा जांजगीर-चांपा ले 163, रायगढ़ अऊ कोरबा ले 138-138, दुर्ग ले 123, रायपुर ले 112, बालोद ले 107, राजनांदगांव ले 96, बिलासपुर ले 86, बलौदाबाजार ले 62, महासमुंद ले 59, गरियाबंद ले 58, सरगुजा ले 47, बेमेतरा ले 45, कबीरधाम ले 37, बस्तर, धमतरी अऊ कोरिया ले 31-31 मरीज शामिल हे।

बता देन कि प्रदेश म कोरोना (Corona) संक्रमित मरीज मन के संख्या ह बाढ़ के 202523 पहुंच गे हे। जेमा ले 21221 एक्टिव मामला हे। उहचे 178838 लोगन मन ह कोरोना ल मात दे दे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले प्रदेश म अब तक 2464 लोगन मन के मौत हो गे हे।