Corona: प्रदेश म कोरोना के 159 नवा मरीज के होइस पहचान, राजधानी म सबले जादा 36 पॉजिटिव

जय जोहार…. प्रदेश म कोरोना (corona) संक्रमित मरीज मन के संख्या ह सरलघा बाढ़त जावत हे। इतवार के प्रदेश म कोरोना के 159 नवा मामला सामने आय हे।

उहचे 117 मरीज मन ह कोरोना (corona) ले जंग जीत गे हे, जेखर बाद ओ मन ल अलग-अलग कोविड अस्पताल ले छुट्टी दे दे गे हे।
आज जेन 159 नवा मरीज मिले हे, ओमा रायपुर ले 36, सरगुजा ले 26, बस्तर ले 25, कोरबा ले 14, दुर्ग ले 8, बलौदाबाजार अउ कांकेर ले 7-7, बेमेतरा ले 6, दंतेवाड़ा ले 5, कोंडागांव, नारायणपुर, बिलासपुर, जांजगीर-चांपा ले 4-4, राजनांदगांव ले 3, कोरिया ले 2, गरियाबंद, रायगढ़, मुंगेली अउ बलरामपुर ले 1-1 मरीज शामिल हे।
बता देन कि प्रदेश म कोरोना (corona) संक्रमित मरीज मन के संख्या ह 5407 पहुंच गे हे। जेमा ले 1608 एक्टिव केस हे।

उहचे 3775 लोगन मन ह बने होय के बाद अपन घर लहुट चुके हे। ए वायरस ले 24 लोगन मन के मौत हो गे हे।