जय जोहार…. सीएम (cm) भूपेश बघेल ह प्रधानमंत्री नरेंद्र मोदी ल पत्र लिखे हे। ए पत्र म बस्तर म स्टील उद्योग ल एनएमडीसी के माध्यम ले 30 प्रतिशत रियायत म लौह अयस्क उपलब्ध कराय के आग्रह करे हे।
सीएम (cm) बघेल ह कहिन कि एखर ले बस्तर म बड़का पैमाना म स्टील उद्योग के संचालन अउ एखर जरिये बड़का पैमाना म स्थानीय युवा मन ल रोजगार उपलब्ध कराय म मदद मिलही।
जेखर ले बस्तर के विकास अउ आर्थिक गतिविधि ल बढ़ावा मिलही। अपन पत्र म सीएम बघेल ह ए बात के उल्लेख घलो करे हे कि राज्य सरकार के ओर ले भारत सरकार के उपक्रम एनएमडीसी ल ए आशय के प्रस्ताव घलो भेजे जा चुके हे।
सीएम (cm) बघेल ह अपन पत्र म लिखे हे कि छत्तीसगढ़ राज्य के बस्तर अंचल ह देश के विशिष्ट क्षेत्र म ले एक हे। खनिज सम्पदा अउ वन संपदा के प्रचुरता के बाद घलो बस्तर अंचल ह राज्य अउ देश के आन भाग के तुलना म सबो मानक म पिछड़ा हुये हे।
सघन वन क्षेत्र अउ वन संरक्षण अधिनियम के कड़ा प्रावधान के सती बस्तर म आर्थिक गतिविधि के अवसर ह अत्यंत सीमित हे। अंचल म व्याप्त बेरोजगारी के सती वहां नक्सल गतिविधि के प्रसार होय ले स्थिति अउ जटिल हो गे हे।
साल 2015 म डीएमएफ योजना के आरंभ ले खनन प्रभावित परिवार मन के स्थिति म सुधार बर प्रयास होवत हे। छत्तीसगढ़ सरकार के तरफ ले घलो विगत डेढ़ वर्ष के अवधि म बस्तर के लोगन मन के जीवन म सुधार बर कई अभिनव कार्य आरंभ करे गे हे,
लेकिन रोजगार के नवा अवसर के बड़का पैमाना म सृजन करे बिना बस्तर के विकास ह संभव नई हे।
No Comment! Be the first one.