Corona: प्रदेश म आज होय हे कोरोना के 15902 नवा मरीज के पहचान, रायपुर म घलो 1464 पाजिटिव
जय जोहार…. छत्तीसगढ़ म कोरोना (Corona) संक्रमित मरीज मन के संख्या ह सरलगा बाढ़त जावत हे। राज्य म सनिच्चर के कोरोना के 15902 नवा मामला के पहचान होय हे। उहचे 12508 मरीज मन ल बने होय के बाद अस्पताल ले डिस्चार्ज कर दे गे हे। जबकि उपचार के दौरान 229 मरीज मन के जान चले गे हे।
आज कोरोना (Corona) के जेन नवा मरीज मिले हे, ओमा रायपुर ले 1464, बिलासपुर ले 1290, कोरबा ले 1228, रायगढ़ ले 1075, जांजगीर-चांपा ले 1061, दुर्ग ले 1029, बलौदाबाजार ले 801, राजनांदगांव ले 679, कोरिया ले 606, मुंगेली ले 584, कांकेर ले 537, धमतरी ले 529, जशपुर ले 528, सरगुजा ले 507, महासमुंद ले 504, कबीरधाम ले 471, गरियाबंद ले 456, सूरजपुर ले 450, बालोद ले 447, गौरेला-पेंड्रा-मरवाही ले 368, बलरामपुर ले 331, बेमेतरा ले 305, कोंडागांव ले 302, बस्तर ले 177, दंतेवाड़ा ले 68, सुकमा ले 37, नारायणपुर ले 35, बीजापुर ले 30 मरीज सामिल हे।
बता देन कि प्रदेश म कोरोना (Corona) संक्रमण के मामला ह बाढ़ के 7 लाख 44 हजार 602 हो गे हे, जेमा ले 1 लाख 21 हजार 099 एक्टिव मामला हे। उहचे 6 लाख 14 हजार 693 मरीज मन ह कोरोना ले जंग जीत गे हे, जेखर बाद ओ मन ल अस्पताल ले छुट्टी दे दे गे हे। ए वायरस ले प्रदेश म अब तक 8810 मरीज मन ह दम तोड़ दे हे।
